Бишкекте коомдук фонддун Биринчи Май району боюнча кураторунун орун басары баңгизат менен кармалды. Бул тууралуу ИИМден билдиришти.
Бул факты Сокулук РИИБде катталып, Кылмыш-жаза кодексинин 283-беренеси менен кылмыш иши козголду. Маалыматка ылайык, кызматтын кызматкерлери аталган жаран узак убакыт бою баңги заттарды таратуу менен алектенип келгенин жана Жалал-Абаддын Токтогул районунан Чүй облусуна баңги заттарды ташып келүүнү жөнгө салганын аныкташкан.
Кылмышка шектүү катары 1990-жылы туулган жаран кармалды. Ал коомдук фонддун Бишкек шаарынын Биринчи Май району боюнча кураторунун орун басары болуп иштегени такталып, анын чөнтөгүнөн өзгөчө жыты бар зат болгон 2 ширеңке кутусу табылган.
