2-август күнү Бишкектеги Манас проспекти менен Рыскулов көчөлөрүнүн кесилишиндеги курулуп бүтө элек көп кабаттуу үйдөн чыккан өрт толук өчүрүлдү. Бул тууралуу ӨКМ маалымдады.
— Бишкектин чок ортосунда салынып жаткан көп кабаттуу үйдөн чыккан өрт кечки саат 21:44тө чектөөгө алынып, саат 23:45те толук өчүрүлдү.
Тилсиз жоо менен күрөшүүгө 45 куткаруучу , 7 бөлүк тартылды. Тилсиз жоонун кесепетинен 14-кабатта курулуш материалдары күйүп кеткен. Алдын ала маалыматтар боюнча, жабыркагандар жок.
