Кечээ, 4-июнда социалдык тармактарда Бишкектеги Тыналиев көчөсүндө тартылган видео тараган. Анда кызды күч менен унаага салып жатканын көрүүгө болот. Унаа жылган соң кыз арткы эшигинен секирип кеткен.
Окуя боюнча Ленин РИИБден маалымат беришип, 1990-жылы туулган жаран милицияга арыз менен кайрылганын билдирди. Ал 4-июнда болжол менен саат 17:30да 1990-жылы туулган жаран тарабынан сабалганын билдирген. Аталган факты каттоого алынып, соттук-медициналык экспертиза дайындалган.
Бүгүн, 5-июнда бул факты боюнча Кылмыш-жаза кодексинин 37-165-беренеси (адамды уурдоого аракеттенүү) боюнча кылмыш иши козголду. Жүргүзүлгөн ыкчам иликтөө иш-чараларынын негизинде милиция кызматкерлери тарабынан 1990-жылы туулган шектүү кармалып, Кылмыш-жаза процессуалдык кодексинин 96-беренесине ылайык убактылуу кармоочу жайына киргизилди.
Азыркы учурда бул кылмыш иш боюнча тиешелүү экспертизалар дайындалып, ар тараптуу иликтөө иштери жүргүзүлүүдө.
Посмотреть эту публикацию в Instagram
