Ленин районунун аймагында коомдук жайларда бейбаштык кылган, туруктуу жашаган жери жок, селсаяктык жана кайырчылык менен алектенген адамдарды аныктоого багытталган түшүндүрүү иш-чара өткөрүлүүдө. Бул тууралуу Бишкек шаарынын Ленин райондук милициясынан маалымдашты.
Кечээ, 19-августта милиция бөлүмүнө туруктуу жашаган жери жок, аты-жөнүн тастыктоочу документтери жок 18 жаран алып келинген. Жеткирилген жарандар сүрөткө тартылып, манжа издери алынып, каттоого коюлду. Андан тышкары, ар бири менен түшүндүрүү-сүйлөшүүлөр жүргүзүлдү.
Алдын алуу иш-чараларынын жүрүшүндө 4 жаранга Укук бузуулар кодексинин 126-беренесинин (майда бейбаштык) негизинде протоколдор түзүлдү.
