Бишкекте үй өрттөнүп, үйдүн ээси көз жумду. Бул тууралуу ӨКМден билдиришти.
Маалыматка караганда, өрт Биринчи Май районундагы үйдөн чыккан. Өрттү өчүрүүгө саат 03:50дө 2 бөлүм, 1 суу ташыгыч унаа, саат 04:42де штаб тартылган. Тилсиз жоо саат 05:45те чектөөгө алынып, саат 07:07де толук өчүрүлгөн.
Жалпы аянты болжол менен 130 чарчы метр жыгач устундуу, шифер жабылган турак үй толугу менен өрттөндү. Ошондой эле үйгө кошулган сарай, таштанды күйгөн. Өрттүн кесепетинен 1949-жылы туулган үй ээси каза болду. Учурда өрттүн себеби такталууда.
