Кечээ, 24-апрелде социалдык тармактарда эркек кишинин дүкөндөгү аялды уруп-согуп, жерге жатып калганда тепкилеп жаткан видео тарады. Октябрь РИИБден маалымат беришип, бейбаштыкка шектүү жаран кармалганын билдиришти. 24-апрель күнү Октябрь РИИБге аял арыз менен кайрылып, белгисиз жаранга чара көрүүнү суранган. Себеби көрсөтүлгөн күнү Бишкек шаарынын 6-кичи районунда жайгашкан дүкөндөрдүн биринде, денесине эч себепсиз залал келтирген. Андан кийин шектүү белгисиз тарапка качып кеткен. Аталган факты боюнча Кылмыш-жаза кодексинин 280-беренесине (Бейбаштык) ылайык кылмыш иши козголгон. Милиция кызматкерлери тарабынан 1968-жылы туулган жаран аныкталып, кармалды.