Бишкекте ок атуучу курал колдонуп, бейбаштык кылууга шектелген алты жаран үй камагына чыкты. Бул тууралуу шаардын Биринчи Май райондук сотунан билдиришти.
Алар тергөө бүткүчө үй камагында болушат.
22-декабрда саат 21:00 чамасында Биринчи Май райондук ички иштер башкармалыгына Эркиндик бульварында мушташып, атышуу болгондугу тууралуу маалымат келип түшкөн. Топ жарандар ортосунда чыр чыккан. Окуя болгон жерден алар газ-травматикалык тапанчанын болжолдуу үч гильзасын, ошондой эле аңчылык мылтыгынын үч гильзасын табышкан. Алар буга чейин Бишкек ШИИБдин убактылуу кармоочу жайында камалып турушкан.