Чүйдө дайынсыз болуп, изделип жаткан кыздын жансыз денеси табылды. Бул тууралуу Чүй ОИИБден билдиришти.
Маалыматка караганда, 19-февралда Ысык-Ата РИИБге жаран кайрылып, 2003-жылы туулган кызы 18-февралда үйүнөн чыккан бойдон дайынсыз болуп жатканын айткан. Аталган факты каттоого алынып, териштирүү башталган.
Териштирүүдө төмөнкүлөр аныкталган. «18-февралга караган түнү кыз Гидростроитель айылындагы мектептин жанында таанышы менен жолуккан. Экөөнүн ортосунда уруш чыгып, таанышы кызга кол көтөрүп, бут кийиминин боосу менен муунтуп өлтүргөн. Кылмышты жашыруу максатында жансыз денени талаага алып барып, жалбырак, бактын бутактар менен жашырып, качып кеткен. Адам өлтүрүү беренеси менен кылмыш иши козголуп, 2004-жылы туулган шектүү кармалып, камакка алынган. Тергөө уланууда»,- деп айтылат маалыматта.
Сүрөттү сезимталдарга көрүү сунушталбайт!
