Чаткалда күйөөсү тарабынан сабалды деген келин жардан кулап кеткендиги айткан. Бул тууралуу Жалал-Абад ОИИБдин басма сөз кызматы билдирди.
Териштирүүдө белгилүү болгондой, жаракат алган келиндин жолдошу мас абалында үйүнө келип жаң-жал салган учурда аял үйүнөн качып чыгып кошунасынын үйүндө бекинип олтурган. Андан соң аял өз үйүнө бара жатып, 7-8 метр бийиктиктеги жардан кулап кеткендигин айткан. Келин жолдошу ага кол көтөрбөгөндүгүн, аны бир тууган агасы жардан алып чыгып ооруканага алып келгендигин билдирген.
Учурда жабырлануучунун денесиндеги жаракаттардын оордук даражасын аныктоо максатында соттук-медициналык экспертизалар дайындалган. Ошондой эле жолдошуна каратта дайындалган соттук-медициналык экспертизанын жыйынтыгы менен мас абалада экендиги аныкталган.
Окуя боюнча 10-ноябрь күнү саат 21:50 чамасында Чаткал РИИБге райондук ооруканадан кабарлашкан.
Учурда териштирүү иштери улантылууда.
