Чүйдө аял уулу тарабынан сабалып, ооруканага түштү. Бул тууралуу Чүй ОИИБден билдиришти. Маалыматка караганда, 8-июлда Чүй ОИИБге Токмок аймактык ооруканасынан билдирүү түшкөн. Анда 1961-жылы туулган аялдын сабалганы айтылган. Аталган факты каттоого алынып, териштирүү иштери жүрүп баштаган. Жашаган жерине милиция кызматкерлери барып, аялдын 1951-жылы туулган жолдошу жана 1986-жылы туулган уулу менен жашай турганын аныкташкан. 7-июлда саат 21:00 чамасында уулу мас абалында апасын сабай баштаган. Аял ооруканага жаткырылган. Ал эми уулу учурда изделип жатат. Андан тышкары, 4-июнда ошол эле үйдө өрт чыккан. Ыкчам-иликтөө тобу бөлмөлөрдүн бири күйгөнүн аныктаган. Эч ким жабыркаган эмес, өрт өчүрүлгөн. Үй ээси доосу жок экенин айтып, териштирүүнү токтотуу боюнча арыз жазган. Кылмыш иши козголгон эмес.