Чүйдө катталган жол кырсыгы 2 адамдын өмүрүн алды. Бул тууралуу ИИМдин Чүй облусу боюнча Жол кыймылынын коопсуздугун камсыздоо башкы башкармалыгынан билдиришти.
Маалыматка караганда, жол кырсык 15-декабрда саат 00:30 чамаларында катталган. 1983-жылы туулган жаран Мицубиси Спейс Стар унаасын Бишкек-Нарын-Торугарт унаа жолунан батыштан чыгышты көздөй башкарып бара жатып, чыгыштан батышты көздөй 1987-жылы туулган жаран башкарып бара жаткан Вольво унаасын сүзгөн.
Жол кырсыгынын кесепетинен Мицубиси Спейс Стар үлгүсүндөгү унаанын айдочусу окуя болгон жерден каза болгон. Ошол эле унаанын 1983-жылы туулган жүргүнчүсү Кемин райондук ооруканасынын жандандыруу бөлүмүнө жаткырылган. Тилекке каршы, ооруканадан өзүнө келбестен каза болуп калган.
