Буга чейин Чүй ОИИБ маалымат таратып, 12-сентябрда Чүй ОИИБдин нөөмөт бөлүмүнө Чүй районундагы айылдардын бириндеги үйдөн эки баланын жансыз денеси табылгандыгы тууралуу билдирүү түшкөнүн билдирген.
Окуя болгон жерге дароо тергөө-ыкчам тобу жөнөтүлүп, үйдүн ичинен бычак жараттары менен 2013-жылы туулган кыз жана 2023-жылы туулган баланын жансыз денелери табылганы аныкталган. Кылмыш-жаза кодексинин 122-беренеси (киши өлтүрүү) боюнча кылмыш иши козголуп, керектүү соттук экспертизалар дайындалды. Каза болгон балдардын энеси кылмышка шектүү катары кармалып, убактылуу кармоо жайына киргизилген.
Эмгек министрлиги маалымат берип, үй-бүлөнүн үч баласы атасынын жанында жана туугандарынын колунда экенин билдирди.
«Бул үй-бүлөдө дагы үч бала бар. Учурда алар атасы менен чогуу. Балдарды багууда жана тарбиялоодо атасынын эжеси да колдоо көрсөтөт. Министрликтин райондук башкармалыгынын кызматкерлери тергөө органдары менен биргеликте дароо окуя болгон жерге чыгып, балдардын коопсуздугун камсыздап, зарыл камкордук чараларын көрүштү.
