УКМК тарабынан Экология жана техникалык көзөмөл (Жаратылыш ресурстар министрлиги) жана «Жаратылышты өнүктүрүү фонду» коомдук фонду Жаратылыш ресурстар министрлигинин жогорку кызмат адамдарынын коррупциялык механизми аныкталып жана бөгөт коюлган. Анын жүрүшүндө коррупция жана бюджеттик каражаттарды максатсыз пайдалануу фактылары боюнча Кылмыш-жаза кодексинин 336-беренеси «Коррупция» боюнча мурда козголгон кылмыш ишинин алкагында, Түркияда жашынып жүргөн коррупциялык топтун дагы бир уюштуруучусу кармалды. Бул тууралуу УКМКдан маалымдашты.
Тергөөнүн жүрүшүндө экс-министр Динара Кутманованын уулу Кемелбек Кутмановдун Жаратылыш ресурстары министрлиги менен Фондунун ишине түздөн-түз кийлигишкендиги жана Долбоорду каржылоонун суммасынын 10 пайыз өлчөмүндө «откат» түрүндө алып тургандыгы боюнча түз далилдер алынган. Көрсөтмөлөргө ылайык, Кемелбек Кутманов 5 чарба жүргүзүүчү субъекттен 17 миллион сомдон ашык суммада компенсация алган. Ошондой эле, ал «Жашыл Мурас» КФ долбоору боюнча 7 миллион 560 миң сом алган, бул каражатты чыгарып салууга себеп болгон. Анын үстүнө, Кемелбек Кутманов «Кумтөр Голд Компани» ЖАКтан түшкөн каражаттарды бөлүштүрүүдө Фонддун ишмердүүлүгүн түз көзөмөлдөп, Жаратылыш ресурстары министрлигине өзүнүн досторун жогорку кызматтарга дайындоого жеке кызыкчылыгын жасап турган.
Маалымат үчүн: 2021-жылдан азыркы мезгилге чейинки мезгилде «Кумтөр Голд Компани» ЖАКтын каражаттарынан Кыргыз Республикасынын айлана-чөйрөнү коргоо боюнча долбоорлорун ишке ашырууга жыл сайын 3 миллион 700 миң доллар өлчөмүндө каражат (Улуттук банктын курсу боюнча 325 миллион сом) бөлүнгөн. 3 жылдык каржылоонун жалпы суммасы 976 миллион 800 миң сомго жакын. Эсептөө палатасынын корутундусуна ылайык, “Ишкердикти өнүктүрүү фонду” (ИӨФ) 720 миллион сомду башка максаттарга пайдаланып, анын ичинен мамлекетке 192 миллион сомго жакын зыян келтирилген. Улуттук коопсуздук органдары мамлекеттин кирешесине 56 миллион сом кайтарды.
Ыкчам-иликтөө иш-чараларынын жүрүшүндө, Кемелбек Кутманов кылмыш жоопкерчилигинен качуу максатында 2023-жылдын 29-майында Казакстанга чыгып кеткени, андан кийин 2023-жылдын 13-июнунда Орусиянын Москва шаарына учуп кетип, андан кийин 2023-жылдын 19-июнунан тарта Түркиянын Стамбул шаарында жүргөндүгү аныкталды.
Ага «Интерпол» аркылуу эл аралык издөө жарыяланган жана Улуттук коопсуздук боюнча мамлекеттик комитети менен Түркиянын биргелешкен ишинин натыйжасында анын так жайгашкан жери аныкталып, андан соң кармалып, Стамбулдагы атайын миграциялык лагерге жайгаштырылган. Бүгүнкү күндө Кемелбек Кутманов анын катышуусу менен тергөө амалдарын жүргүзүү үчүн Кыргыз Республикасынын аймагына алынып келинип, УКМКнын тергөө камак жайына киргизилди.
