Эсептөө палатасынын башкы инспектору кармалды. Бул тууралуу УКМКдан билдиришти.
УКМК тарабынан Мамлекеттик финансылык көзөмөл чөйрөсүндөгү коррупциялык көрүнүштөрдү токтотуу боюнча жүргүзүлүп жаткан иш-чаралардын алкагында Эсептөө палатасынын инспектору тарабынан акча каражатын опузалап алуу боюнча маалымат алынган.
Алдын ала текшерүүнүн жыйынтыгы боюнча, Эсептөө палатасынын башкы инспектору айрым чет өлкөлүк мекемелеринин ишине аудитордук текшерүү жүргүзүү боюнча кызматтык иш сапарында жүргөндө, финансылык мыйзам бузуулар аныкталды деген шылтоо менен Кыргызстандын дипломатиялык өкүлчүлүгүнүн башчысынан акча каражатын опузалап жаткандыгы аныкталган.
Буга байланыштуу УКМКнын тергөө органдары тарабынан кылмыш иши козголуп, анын алкагында опузалап талап кылуу фактысы тастыкталып, пара алуу процессуалдык түрдө бекитилген.
15-июлда ал Кыргызстанга келгенден кийин “Манас” эл аралык аэропортунун чек ара көзөмөл зонасында кармалып, аны жеке тинтүү учурунда пара катары мурда алынган акчалар табылган.
