Соцтармакта аймак аралык кастыкты козутууга шектүү жаран кармалды. Бул тууралуу ИИМдин басма сөз кызматынан билдиришти.
Маалыматка караганда, 2-сентябрда социалдык тармактарда белгисиз жарандын массалык маалымат каражаттарына регион аралык кастыкты козутуучу сөздөрдү айтып, видео кайрылуу жасаган видеосу тараган. Аталган факты боюнча Кылмыш-жаза кодексинин 330-беренеси (расалык, этностук, улуттук, диний же региондор аралык кастыкты козутуу) боюнча кылмыш иши козголгон.
Окуя иликтөөгө алынып, ИИМдин кызматкерлери тарабынан 1996-жылы туулган жарандын аты-жөнү такталып, Бишкек ШИИБдин Тергөө кызматына жеткирилди. Тергөө уланууда.
