Кыргызстанда европалык өлкөлөрдө уурдалган 18 унаа аныкталды. Алардын баары Интерполдун линиясы боюнча изделип жаткан. Бул тууралуу Ички иштер министрлигинен маалымдашты.
30-декабрда Бишкектеги автосалондорунун бирин тинтүү учурунда бул унаалар табылып, айып короосуна киргизилди. Анын ичинен бешөө премиум-класстагы унаалар жана алар 2020-2021-жылдары Швециядан уурдалган. Министрлик тарабынан унаалардын маркалары тууралуу маалымат берилген эмес, бирок төрт унаанын сүрөттөрү жарыяланган, алар интернеттен алынган болушу мүмкүн.
Учурда унааларды уурдаган адамдар аныкталууда.
