Жалал-Абад облусунда жылан уусунун ири партиясын сатуу аракетине бөгөт коюлду. Бул тууралуу УКМКдан билдиришти.
Кылмыш-жаза кодексинин 292-беренеси (сатуу максатында күчтүү таасир этүүчү же уулуу заттарды мыйзамсыз жүгүртүү) боюнча катталган материалдардын алкагында, күчтүү уулуу зат “Gurza – vipera Leberetna turaniga” ири партиясын сатуу аракети токтотулду. Жүргүзүлгөн ыкчам-издөө иш-чараларынын натыйжасында, Ала-Бука айылынын аймагында аталган заттын 500дөн ашык ампуласын (1 ампула 5 грамм) сатып жаткан жеринен 1 чет мамлекеттин жараны жана 3 Кыргыз жараны кармалды.
Жыландын уусунун партиясы коңшу мамлекеттердин биринен Кыргыз Республикасынын аймагына мыйзамсыз алып келингендиги аныкталган. Кармалган зат фармакологияда жана медицинада, ошондой эле синтетикалык дарыларды өндүрүүдө колдонулат. 1 грамм гюрза уусунун баасы көмүскө базарларда 300дөн 600 долларга чейин бааланат. Тергөө иштери жүрүп жатат.
Нарын ШИИБдин тергөө кызматынын тергөөчүсү кызмат абалынан кыянаттык менен пайдалангандыгы үчүн кармалды. Бул тууралуу УКМКдан билдиришти. Кылмыш-жаза кодексинин 337-беренесинин 2-бөлүгүндө...
УКМК тарабынан кыймылсыз мүлктү мыйзамсыз ээлеп алуу жана документтерди жасалмалоо фактылары боюнча козголгон кылмыш иштерин иликтөөнүн алкагында "Кара риэлторлор" кармалды....
Талас шаардык соту Жогорку Кеңештин мурдагы депутаты Кенжебек Бокоевди 9-июлга чейин камакта калтырды. Бул тууралуу Талас облустук сотунун басма сөз...
Кечээ, 10-июнда Чүй облусунун Ысык-Ата районундагы Бирдик айылындагы мал фермадан ири өрт чыккан. Бул тууралуу ӨКМден билдиришти. Тилсиз жоонун кесепетинен...
