Фейсбук социалдык тармагынын колдонуучусу Семетей Талас уулу өзүнүн баракчасына экстремисттик материалды камтыган пост жазган. Бул тууралуу ИИМден билдиришти.
Маалыматка караганда, аталган факты каттоого алынып, Жазык кодексинин 322-беренеси менен кылмыш иши козголду. Лингвистикалык эспертиза дайындалган, анын корутундусуна ылайык, постто Кыргызстанда тыюу салынган “Хизб-ут-Тахрир” экстремисттик уюмуна байланыштуу маалыматтар бар экени аныкталган. 8-октябрда иш ИИМдин Тергөө кызматына өткөрүп берилген. 1-ноябрда журналист ИИМге жеткирилди. Тергөө уланууда.
