Кечээ, 4-июлда Баткен облустук сотунда 14 жаштагы кыздын окуясы боюнча өспүрүм шектүүнүн жазасы каралмак. Соттук отурум 9-августка жылдырылган. Бул тууралуу Баткен облустук сотунан билдиришти.
Өспүрүм мурдагы инстанцияда 10 жылга соттолгон. Буга чейин дагы бир шектүүнүн жазасы каралып, өмүр бою эркинен ажыратылган жаза күчүндө калтырылган.
- 4-сентябрда Кадамжайда 14 жаштагы мектеп окуучусу өлтүрүлгөн. Жансыз денесин мал кайтарып жүргөн киши тапкан. Окуя болгон жерге кароо учурунда колу артка жип менен байланган, мойнунан жип менен муунтулуп киши колдуу болгон кыздын жансыз денеси табылган. Анын аты-жөнүн тактоо учурунда ал Халмион айыл аймагынын тургуну 2008-жылы туулган кыз экендиги аныкталып, өлүмүнүн себебин аныктоо максатында соттук-медициналык экспертиза дайындалган. Кылмышка шектелип 4 жаран кармалган болчу. Алардын ичинен бирөөсү өспүрүм. 4-декабрда 2 шектүү Оштогу СИЗОдо асынып, көз жумганы маалым болгон.