Кара-Балтада адам өлтүрүүгө шектүүлөр кармалды. Бул тууралуу Чүй ОИИБден билдиришти.
Маалыматка караганда, 22-мартта саат 01:00 чамасында 1993-жылы туулган жарандын үйүнө 1995, 1994 жана 1986-жылы туулган туугандар барышкан. Уруш чыгып, 1994-жылы туулган жаран 1986-жылы туулган жаранды бычак менен табарсыкка бир нече жолу сайып жиберип, качып кетишкен. Кесепетинен жабырлануучу ооруканада каза болгон.
Тергөөнүн жүрүшүндө үчөө тең кармалып, аларга адам өлтүрүү беренеси менен айып тагылган. Тергөө уланууда.
