Кечээ, 28-майда Ош облусунун Кара-Суу шаарындагы "Оомат" базарына жакын жайгашкан турак үйдөн өрт чыккан. Бул тууралуу ӨКМден билдиришти. Өрттү өчүрүүгө саат 14:04тө Кара-Суу райондук №25 ӨКБдан 1, буга кошумча саат 14:14тө 1, жалпысынан 2 күжүрмөн эсеп тартылган. Мындан тышкары, 3 күжүрмөн эсеп жана ӨКМдин Ош облусу боюнча башкармалыгынын башчысы, полковник баштаган ыкчам топ тартылган. Өрт саат саат 15:05те чектөөгө алынып, 20:43тө толугу менен өчүрүлгөн. Тилсиз жоо кучагына алган аянт 1044 чарчы метрди түздү. Бактыга жараша өрттүн кесепетинен жабыркагандар жок. Учурда материалдык чыгымдары жана кырсыктын келип чыгуу себептери такталууда.

Социалдык тармактарда өрт чыккан үйгө жакын жерде токтотулган унааны жарандар сүйрөп алып кетип жаткан видео тарады.