Киров суу сактагычынан эки өспүрүмдүн жансыз денеси табылды. Бул тууралуу ӨКМден билдиришти.
Кечээ, 24-июнда Талас облусунун Кара-Буура районуна караштуу Үч-Булак айылынын тургундары 2009 жана 2011-жылы туулган 2 эркек бала Киров суу сактагычына чөгүп кеткен.
Жерине издөө иштерин жүргүзүү үчүн Кара-Буура райондук №91 ӨКБдан 3 куткаруучу тартылып, издөөдө натыйжа болгон эмес. Издөө иштери убактылуу токтотулуп, бүгүн, 25-июнда таң эрте Кара-Буура райондук суучул-куткаруучулары издөө иштерин улантуу учурунда саат 9:27 жана 9:30да эки баланын сөөгүн таап, туугандарына өткөрүп беришкен.
