Ош облусунун «Төлөйкөн» ат майданындагы көк бөрү оюнунда коомдук тартипти бузган жана чагымчылдык аракеттерди жасаган 25 жаран аныкталып, милиция кызматкерлери тарабынан кармап келинди. Азыркы учурда тергөө-оперативдик тактоо иштери жүрүп жатат. Бул тууралуу Ош ОИИБден билдиришти.
Окуя боюнча мыйзам бузууларга, коомдук тартипти бузууга жана чагымчылдык жасооого байланышкан жагдайлар аныкталса, мыйзам чегинде жоопкерчиликке тартылышат. Ал эми ооруканага 7 жаран кайрылган, анын ичинен 1 кызматкер бар.
Мындан сырткары, Ош облустук Тез жардам кызматынын Форд-Транзит үлгүсүндөгү унаасынын терезелери талкаланган.