16-октябрда пара талап кылуу жана кылмыштуу чөйрөнү түзүү же ага катышуу фактылары боюнча жүргүзүлгөн ыкчам-иликтөө иш-чараларынын натыйжасында Бишкек ШИИБнин БМЖККнын ыкчам кызматкери, милициянын майору М.3.М.. жана Бишкек шаарынын Биринчи Май райондук ички иштер башкы башкармалыгынын 5-шаардык милиция бөлүмүнүн ыкчам кызматкери, милициянын капитаны И.К.Ж. кармалды. Бул тууралуу УКМКдан маалымдашты.
Тергөөнүн жүрүшүндө бул кызматкерлер ИИМ БМЖККнын кызматкерлеринен турган кылмыштуу топ менен түз байланышта болгондугу, алар кылмыш ишин козгоо шылтоосу менен баңги затын жеке колдонуу үчүн сатып алууну көздөгөн адамдардан акча талап кылуу менен алектенгендиги аныкталды. Кармалгандар УКМКнын тергөө абагынын убактылуу кармоочу жайына киргизилди.
УКМК ушул сыяктуу кылмыштарга дуушар болгон жарандарды (0312) 66-04-75 жана 0708 72 28 01 телефондору аркылуу кабарлап коюуну өтүнөт.
