«Манас» аэропортуна барчу жолдо чачырап кеткен унаанын айдоочусу ооруканага кайрылды. Бул тууралуу СЕРЕП МЕДИА маалымат агенттигине Чүй облустук жол кыймылын көзөмөлдөө башкармалыгынан билдиришти.
Маалыматка караганда, кырсык 13-ноябрда саат 08:00 чамасында катталган. Түштүктөн түндүктү көздөй бара жаткан Хонда Фит үлгүсүндөгү унаанын айдоочусу 23-чакырымында рулга ээ боло албай, жол бөлүп турган тосмону сүзгөн. Кырсыктын кесепетинен 1991-жылы туулган жаран Сокулук аймактык ооруканасына кайрылган.
Буга чейин социалдык тармактын колдонуучулары Бишкек-Манас аэропорту унаа жолунда жол кырсыгы катталганын билдиришип, видео менен бөлүшүшкөн.