Буга чейин социалдык тармактарда "Манас шаарында топ балдар мушташып жатат" деген видео тараган. Бул боюнча Жалал-Абад ОИИБден маалымат беришти. 10-cентябрь күнү Жалал-Абад шаарындагы “Токтогул” эс алуу багында тойдо жүргөн топ балдар мушташып жаткандыгы боюнча маалымат алынган. Аталган факты ошол эле күнү Жалал-Абад ШИИБдин маалыматтарды электрондук каттоо журналына катталып, текшерүү иштери башталган. Териштирүү иштеринин жүрүшүндө жалпы 17 жаран Жалал-Абад ШИИБдин тергөө кызматына камсыз кылынып, жыйынтыгында бири-бирине арыз доосу жок экендигин билдирип, арыз жазуудан жана соттук медициналык экспертизадан өтүүдөн баш тартышкан.