Москвада кыргыз жаранын сабаган шектүү кармалды. Бул тууралуу Орусиянын ЖМКлары жазып чыгышты.
Маалыматка караганда, окуя Красносельский районунда болгон. Кыргызстандын 32 жаштагы жараны полиция кызматкерлерине кайрылып, аны ур-токмокко алышканын айткан. 21-июнда саат 05:00 чамасында Русаковская көчөсүндөгү бизнес борборлордун биринин жанында белгисиз адам чыр учурунда арыз ээсинин башына тепкилеп, натыйжада жабырлануучунун астыңкы жаагы сындырган.
Кылмышка шектүү 45 жаштагы жаран кечээ, 19-июлда кармалган. Кылмыш иши козголуп, тергөө иштери жүрүп жатат.
