Москвада Жаңы жыл түнү мигранттар дагы мушташышып, үчөө оор жаракат алды. Бул тууралуу орусиялык басылмалар жазышты.
Маалыматтарга караганда, Кыргызстан менен Өзбекстандын жарандары топ-топ болуп мушташа кетишкен. Жаңжалдын чыгышына жеке кастык себеп болгону айтылууда. Мушташка үч Өзбек жараны, он Кыргыз жараны катышып, мушташтан улам үчөө бычактан оор жаракат алган. Полиция кызматы тарабынан мушташтын 9 катышуучусу кармалып, анын баары Кыргыз жарандары экендиги аныкталды.
Өткөн жылдын июнь айынан ноябрга чейин Орусияда мигранттардын катышуусунда 11 массалык мушташ катталган.
