31-январь күнү Нарын шаарында 30 жаштагы эки жаран өз ара келишпестиктен улам уруша кетишип, бири экинчисин белгисиз учтуу нерсе менен сол колунун ийин тушуна бир жолу сайып жиберген. Натыйжада жарандын бири Нарын облустук борборлоштурулган оорукананын жандандыруу бөлүмүнө жаткырылган. Алган жаракатынан улам, көп кан жоготкон жаран каза болуп калган.
Ал эми кылмышка шектүү окуя болгон жерден качып кеткен. Аталган факты боюнча Кылмыш-жаза кодексинин 130-беренеси (ден соолукка оор залал келтирүү) менен кылмыш иши козголгон. Кылмышка шектүү катары изи сууй электе кармалган. Учурда тергөө иштери жүргүзүлүп жатат.
