Ноокен РИИБдин нөөмөт бөлүмүнө Бүргөндү-Достук айыл аймагынын Адыр-1 айылынын 1972-жылы туулган тургуну К.Б. өзүнүн 2009-жылы туулган М.А. аттуу жээнине карата сексуалдык мүнөздөгү ыплас аракеттерди жасап жүргөндүгү боюнча маалымат келип түшкөн. Бул тууралуу Жалал-Абад облустук милициясынан маалымдашты.
Бул факты 12-октябрь күнү каттоого алынып, ошол эле күнү Кылмыш-жаза кодексинин 158-беренеси (ыплас аракеттер) менен катталып, кылмыш иши козголгон. Тергөө амалдарынын жүрүшүндө М.А. аттуу өспүрүм көрсөтмөсүндө 2022-жылдан тарта таякеси Б.К. анын дене мүчөлөрүнөн кармалап, мас абалда келген учурда мажбурлап эки санынын ортосуна жыныстык кумарын кандырып жүргөндүгүн билдирген. Ал эми Б.К. көрсөтмөсүндө жээни М.А. өзүнүн муктаждыктары үчүн акчалай жардам сурап, ал үчүн өзү эки санынын ортосуна жыныстык кумарын кандырып берүүнү сунуштап, 2023-жылдын сентябрь айында бир ирет жана 2024-жылдын март айында дагы бир ирет анын эки санынын ортосуна жыныстык кумарын кандыргандыгын билдирген. Тергөөнүн жыйынтыгы менен 13-октябрь күнү аталган кылмыш ишине шектүү катары 1972-жылы туулган Б.К. тергөө абагына киргизилди. Ал эми 14-октябрь күнү Ноокен райондук соту тарабынан шектүү Б.К. кармалгандыгы мыйзамдуу жана негиздүү деп табылып, эки айга камак алуу түрү тандалып алынды.