"Ош базарынын" аймагында жертөлөдө кумар оюндарын уюштурган шектүү кармалды. Бул тууралуу Ленин РИИБден билдиришти. Маалыматка караганда, Ленин РИИБдин ыкчам кызматкерлерине "У" деген бир адам менен байланышка чыккан. Ал оюн-зоок жайына карата колдоо үчүн ай сайын 30 000 сом берип турууну сунуш кылган. Аталган факты боюнча Кылмыш-жаза кодексинин 219-1-беренеси (оюн-зоок ишин мыйзамсыз уюштуруу) жана 345-беренеси (пара берүү) менен кылмыш иши козголуп, тергөө иштери башталган. Анын натыйжасында 1992-жылы туулган жаран кармалып, шектүү Бишкек ШИИБдин убактылуу кармоочу жайына киргизилди. Оюн-зоок жайында тинтүү жүргүзүлүп, компьютердик симуляторлор алынды.