Социалдык тармактарда «Ош — Эркештам жолунда үрөй учурган жол кырсык катталды» деген видео тараган. ИИМдин Жол кыймылынын коопсуздугун камсыздоо башкармалыганан жол кырсыктан 2 адам каза болгонун билдирди.
13-майда болжол менен саат 16:20 чамасында Ош — Сары-Таш — Эркештам унаа жолунун 106-чакырымында 1984-жылы туулган айдоочу Волво FH-13.500 үлгүсүндөгү оор жүк ташуучу унаасы менен 1982-жылы туулган айдоочунун башкаруусундагы Донфенг үлгүсүндөгү оор жүк ташуучу унаадан ашып өтүп жатып, каршы тилкеде келе жаткан 1990-жылы туулган айдоочунун башкаруусундагы Волво FH үлгүсүндөгү унаа менен сүзүшкөн.
Жол кырсыгынын кесепетинен Волво FH үлгүсүндөгү унаанын айдоочусу окуя болгон жерде көз жумган. Ал эми экинчи Волво FH үлгүсүндөгү унаанын жүргүнчүсү ооруканада көз жумган.
Азыркы учурда тийиштүү экпертизалар дайындалып, тергөө амалдары жүргүзүлүүдө.
Посмотреть эту публикацию в Instagram
