Ош шаарында 10-класстын окуучуларынын бирин бычак менен сайып өлтүрүп, экинчисин жарадар кылды деген шек менен 2004-жылы туулган өспүрүм кармалды. Бул тууралуу Ош шаардык ички иштер башкармалыгынын маалымат кызматынан билдиришти.
«Шектүү Бишкек шарынын тургуну. Алай районунда туулган. Сурак учурунда ал толугу менен жасаган күнөөсүн мойнуна алган жана сурак берүүдө шектүү балдар менен айтыша кетип, жанына салып жүргөн бүктөмө бычагы менен сайып жибергенин айтты. Кылмыш болгон учурда анын жанында жүргөн эки шериги да кармалды»,— деп билдиришти башкармалыктан.
Белгилей кетсек, кечээ 11-февралда Ош шаарындагы Нариман мектеп-гимназиясында 17 жаштардагы эки окуучусу бычакталган. Мындан улам алган жаракатынан бир окуучу көз жумуп, экинчиси ооруканага түшкөн.
