УКМК тарабынан Ош шаарында мыйзамсыз кумар оюн жайынын бети ачылган. Бул тууралуу УКМКдан билдиришти.
«Ош шаарынын аймагында мыйзамсыз кумар оюн жайынын бети ачылып, бөгөт коюлду. 27-апрелде тинтүү иш-чараларынын жүрүшүндө кумар оюн жайынан 327 миң сом жана 16 компьютер табылган Ошондой эле, аталган мекеменин жетекчиси Кыргыз жаранынан 597 миң 200 сом, 4 800 доллар, 4 000 рубль жана 4 процессор табылган. Учурда уруксаты жок иштеп жаткан кумар оюн жайларын аныктоо жана бөгөт коюу иштери уланууда», — деп айтылат маалыматта.
