Пара талап кылуу фактысына бөгөт коюлду. Бул тууралуу УКМКнын басма сөз кызматынан билдиришти.
Маалыматка караганда, Ош облусунун Кара-Суу РИИБдин тергөө бөлүмүнүн тергөөчүсү милициянын улук лейтенанты зордуктоого аракет кылуу фактысы боюнча сотко чейинки өндүрүштү кыскартуу үчүн жарандан 20 миң сом өлчөмүндөгү акча каражатын талап кылган. Кечээ, 8-июнда ИИМдин ички иликтөө кызматы менен биргеликтеги ыкчам-издөө иш-чараларынын жүрүшүндө тергөөчү 20 миң сом өлчөмүндө пара алып жаткан жеринен кармалып, Ош шаардык жана Ош облусу боюнча башкы башкармалыгынын тергөө камак жайына киргизилген. Учурда ыкчам-иликтөө иш-чаралары жүргүзүлүп жатат.
