Ошто мектеп-гимназиясынын завучу 10 миң сом пара алып жаткан жеринен кармалды. Бул тууралуу УКМКдан билдиришти.
Коррупцияны жоюу жана окуу мекемелериндеги билим берүүнүн сапатын жакшыртуу боюнча жүргүзүлүп жаткан иштерге карабастан, Киров атындагы №4 мектеп-гимназиянын уюштуруу иштери боюнча башчысы жарандын уулун биринчи класска киргизгендиги үчүн 10 миң сом өлчөмүндө акча каражатын опузалап алуу фактысын аныктады.
24-июлда аталган акча каражатын алуу боюнча козголгон кылмыш ишинин алкагында жаран кармалып, УКМКнын Тергөө башкармалыгына жеткирилди. Учурда тиешелүү тергөө иштери жүрүп жатат.
