Өзүн Камчыбек Ташиевдин уулу Таймурас деп тааныштырган жаран кармалды. Бул тууралуу УКМКдан билдиришти.
«Өзүн УКМК төрагасынын уулу Таймурас Ташиев катары тааныштырып, компаниянын жетекчилигин алдоо жолу менен бетон үчүн химиялык реагенттерди берүү боюнча келишим түзүүгө көндүргөн жаранды кармалды. Ал келишим түзүү максатында компаниянын жетекчилиги менен телефон аркылуу сүйлөшүү учурунда үнүн жасап, Whatsapp тиркемесине Таймурас Ташиевдин сүрөтүн коюп, өзүнүн өкүлүн компаниянын кеңсесине жөнөткөн, андан кийин өз алдынча кеңсеге келип, аны менен келишим түзүүнү талап кылган. Келишимдин жыйынтыгында ишканага 495 миң сомдук 8 тонна химиялык зат жана аванс катары 80 миң АКШ долларынан ашык Lexus RX350 жана Hyundai Avante үлгүсүндөгү унаалар которулган.
Азыркы учурда Кылмыш-жаза кодексинин 209-беренесинин 4-бөлүгүнүн 1-пункту (алдамчылык) боюнча кылмыш иши козголуп, кармалган жаран УКМКнын убактылуу кармоочу жайына киргизилди»,- деп айтылат маалыматта.
