Жогорку Кеңешке мөөнөтүнөн мурда өтүп жаткан шайлоонун алкагында ИИМ добуштарды сатып алуу фактысы боюнча тогуз кылмыш ишин козгоду. Бул тууралуу ИИМдин басма сөз катчысы Султан Макилов билдирди.
Маалыматка ылайык, ИИМге жана БШКга мыйзам бузуулар боюнча 256 билдирүү келип түшкөн, анын 59у шайлоо өнөктүгү башталганга чейин катталган.
Добуштарды сатып алуу фактысы боюнча тогуз кылмыш иши козголгон:
— Бишкекте — 5,
— Чүй облусунда — 2,
— Жалал-Абад облусунда — 2.
Макилов белгилегендей, ар бир факты боюнча иликтөө иштери жүрүп жатат. Акча каражаттары, материалдар жана башка буюм далилдери алынган. Он эки адамга кылмыш иши козголуп жатат.
Шайлоо күнү өлкө боюнча жалпысынан 14 миң Ички иштер министрлигинин кызматкерлери иштеп жатат.
