Милиция кызматкерлери тарабынан жүргүзүлгөн ыкчам-иликтөө иш-чараларынын натыйжасында 1979-жылы туулган Э.Ж. жана 1986-жылы туулган Б.А. аттуу жарандар аныкталып, алар Ош шаарынын аймагында кармалышкан. Тергөө учурунда шектүүлөр ошол күнү «Шевроле Спарк» унаасы менен жүрүшкөнү, кылмыш кылгандан кийин Ош шаарына изин жашырышканы аныкталган.
30-апрелде шектүүлөр кармалышып, Сокулук РИИБдин убактылуу кармоочу жайына киргизилип, унаа атайын айып унаа токтотуучу жайга токтотулган. Мындан тышкары, шектүүлөрдүн бири Б.А. аттуу жаран 2023-жылдын июль айында Токмок шаарындагы ишканалардын биринен 60 миң доллар жана 1 миллион 500 миң сом акча каражатын уурдоого тиешеси бар экендиги аныкталып издөөдө жүргөн. Ошондой эле тергөө иштеринин жүрүшүндө Б.А. аттуу жаран уюшкан кылмыштуу топтун мүчөсү катары ИИМдин катоосунда тургандыгы аныкталган.
Учурда бул жарандардын башка кылмыштарга катыштыгы текшерүүгө алынып, тергөө амалдары уланууда.
