Жогорку Кеңештин мурдагы депутаты алдамчылык фактысы боюнча кармалды. Бул тууралуу УКМКдан билдиришти.
Маалыматка караганда, УКМКга ишкер арыз менен кайрылып, ал 2 миллион доллар өлчөмүндө зыян тартканын айткан. Кылмышка шектелип, мурдагы депутат кармалган.
«Текшерүүнүн жыйынтыгында арыз ээсинин жүйөлөрү тастыкталып, алынган материалдар бул факты боюнча Кылмыш-жаза кодексинин 209-беренеси (алдамчылык) боюнча кылмыш ишин козгоо жөнүндө чечим кабыл алууга негиз болгон. Иш боюнча чогултулган далилдердин негизинде А.А. аталган кылмышка шектүү катары кармалып, ага ылайык айып тагылып, 10-февралда Бишкек шаарынын Биринчи Май райондук соту тарабынан тергөө мөөнөтү бүткөнгө чейин камакка алуу түрүндөгү баш коргоо чарасы тандалды»,- деп айтылат маалыматта.
СЕРЕП МЕДИА маалымат агенттигине маалым болгондой, кеп мурдагы депутат Алиярбек Абжалиев жөнүндө болуп жатат.
