Бүгүн, 12-майда соцтармакта бир эркек адамдын аял адамга карата зомбулук көрсөтүп жаткан видеосу тараган. Ош шаардык ички иштер башкармалыгынын кызматкерлери тарабынан бул окуя Ош шаарындагы «Арча» сулуулук салонунун алдында 11-майга караган түнү саат 02:00 чамасында болгондугу такталды.
Бул видеодогу окуя боюнча мурда эч ким арыз менен милицияга кайрылган эмес. Бирок жарыяланган видео боюнча «үй-бүлөлүк зомбулук» катары катталып, тергөө иштерин Ош ШИИБнын жетекчилиги көзөмөлгө алды. Жүргүзүлгөн ыкчам иш аракеттердин натыйжасында бул окуяга тиешеси бар адамдар аныкталды. Бүгүн саат 16:00 чамасында ыкчам кызматкерлер тарабынан аялга карата зомбулук көрсөтүп жаткан 2001-жылы туулган эркек кармалды. Тергөөгө камсыз болду. Алгачкы тергөөнүн маалыматына караганда жаңжал кызганычтан чыккан.
