Сузак райондук соту 15 жаштагы кызды зордуктоого шектелген өгөй атага карата чечим чыгарды.
Сузак райондук сотунун 3-сентябрындагы өкүмү менен, айыпталуучу Кылмыш-жаза кодексинин (1997-жылдагы редакциясы боюнча) 133-беренесинин 1-пункту, 3-бөлүгү менен күнөөлүү деп табылган жана кылмыштын эскирүү мөөнөтү өткөндүгүнө байланыштуу кылмыш жаза жоопкерчилигинен бошотулган. Айыпталуучу Кылмыш-жаза кодексинин 154-беренесинин 4-бөлүгү, 154-беренесинин 4-бөлүгү, 154-беренесинин 4-бөлүгү, 154-беренесинин 3-бөлүгүнүн 2-пункту, 154-беренесинин 3-бөлүгүнүн 2-пункту, 154-беренесинин 3-бөлүгүнүн 2-пункту менен күнөөлүү деп табылган.
Кылмыштардын жыйындысы боюнча, жеңилирээк жаза өмүр бою эркиндигинен ажыратууга өтүп, акыркы жаза катары шектүү өмүр бою эркиндигинен ажыратылган. Айыпталуучудан жабыралануучунун пайдасына 300 миң сом өлчөмүндө моралдык зыян өндүрүлгөн.
16-апрель күнү Чүй облусунун Ысык-Ата РИИБине райондун балдарды социалдык жактан коргоо башкармалыгынын адиси арыз менен кайрылган. Анда 1982-жылы туулган жаран көп убакыттан бери жашы жете элек 2009-жылы туулган өгөй кызына карата физикалык зомбулук көрсөтүп зордуктап, жыныстык катнашка барганын жана окуя Жалал-Абад облусунун Сузак районунун Мал базар көчөсүндө болгонун билдирген. Аталган маалымат Ысык-Ата РИИБдин маалыматтарды электрондук каттоо журналына катталып, 2009-жылы туулган кызга карата соттук-медициналык, соттук-психологиялык экспертизалар дайындалып, топтолгон материалдар аймактык караштуулугу боюнча Жалал-Абад облусунун Сузак РИИБине жиберилген.
19-апрель күнү Сузак РИИБдин тергөө кызматы тарабынан 154-берене (зордуктоо) менен кылмыш иши козголгон. 21-апрель күнү козголгон кылмыш ишинин алкагында кылмышка шектүү катары 1982-жылы туулган жаран кармалган.
Ысык-Ата районунун Эмгек, социалдык камсыздоо жана миграция башкармалыгынын үй-бүлөнү жана балдарды коргоо бөлүмүнүн кызматкерлерине өспүрүм кыз 43 жаштагы өгөй атасы 12 жашында зордуктап, андан кийин 2 жылдан ашуун ыплас ишин улантып келгенин айтып берген.
