УКМК бүгүн, 27-декабрда маалымат таратып, каракчылык кылган кылмыштуу топтун мүчөлөрү, ошондой эле кылмышты жашырган Сузак районунун милиция кызматкерлери кармалганын билдиришкен.
ИИМ маалымат таратып, Жалал-Абад облусунун милиция кызматкерлерине тартиптик жаза берилгенин билдиришти.
Сузак районунда каракчылык кылган уюшкан кылмыштуу топтун мүчөлөрүнүн кылмыштуу аракеттерин жашырган Сузак райондук милициясынын кызматкерлеринин үстүнөн ИИМдин Ички иликтөө кызматы кызматтык иликтөө жүргүздү. Кызматтык иликтөөнүн жыйынтыгы менен төмөндөгү жетекчилер жана кызматкерлер тартиптик жазаларын алышты:
- Жалал-Абад облустук ички иштер башкармалыгынын начальниги, милициянын полковниги Тагаев, Сузак райондук ички иштер бөлүмүнүн начальниги, милициянын полковниги Ормонов, Сузак РИИБдин начальнигинин сотко чейинки өндүрүш боюнча орун басары, милициянын майору Бакиров, Сузак РИИБдин начальнигинин орун басары — кылмыш иликтөө кызматынын начальниги, милициянын подполковниги Маткеримов ээлеген кызмат ордуларынан бошотулган;
- Жалал-Абад облустук ички иштер башкармалыгынын начальнигинин сотко чейинки өндүрүш боюнча начальнигинин орун басары Кулжановго, Жалал-Абад облустук ички иштер башкармалыгынын кылмыш иликтөө бөлүмүнүн начальниги, милициянын полковниги Долоновго, Жалал-Абад облустук ички иштер башкармалыгынын ички иликтөө бөлүмүнүн начальниги, милициянын полковниги Жумагуловго, Жалал-Абад облустук ички иштер башкармалыгынын штабынын начальниги, милициянын полковниги Ташбаевге, Сузак РИИБдин начальнигинин кызмат боюнча орун басары, милициянын майору Саркаровго, Сузак РИИБдин начальнигинин кадр боюнча орун басары, милициянын майору Далбаевага “катуу сөгүш” тартиптик жазасы берилди;
- Жалал-Абад облустук ички иштер башкармалыгынын ички иликтөө бөлүмүнүн ага ыкчам өкүлдөрү, милициянын полковниктери Жолоев, Абдыраимов “сөгүш” тартиптик жазасын алышты;
- Жалал-Абад облустук ички иштер башкармалыгынын начальнигинин ыкчам иштер боюнча начальнигинин орун басары Рахмановдун, Жалал-Абад облустук ички иштер башкармалыгынын начальнигинин кызмат боюнча начальнигинин орун басары Сыдыковдун, Жалал-Абад облустук ички иштер башкармалыгынын начальнигинин кадр боюнча начальнигинин орун басары Масиркуловдун тартиптик жоопкерчилиги ден-соолугу сакайгандан кийин каралат.
Жыйынтыктап айтканда, жалпысынан 12 кызматкер тартиптик жазага тартылды, ээлеген кызмат ордунан 4 кызматкер бошотулду, калгандары жогоруда аталган тартип жазаларын алышты. Ал эми ден-соолугуна сакайгандан кийин калган 3 кызматкерге да кызматтык жоопкерчилиги каралат.