ИИМдин Баңги заттарды мыйзамсыз жүгүртүүгө каршы күрөшүү кызматы УКМК менен биргеликте түнкү клубдарда жана оюн-зоок жайларында баңги каражаттарын жана психотроптук заттарды сатуу жана колдонуу фактыларын аныктоого багытталган тергөө-ыкчам иш-чараларын жүргүзүштү.
4-майга караган түнү Бишкек шаарындагы жабык түнкү клубда ыкчам тергөө иш-чаралары жүргүзүлдү. Иш-чара жаштардын, ошондой эле борбордун конокторунун арасында баңги заттарды сатуу жана колдонуу фактыларын аныктоо боюнча жүргүзүлдү. Ыкчам-тергөө иш-чараларынын жүрүшүндө түнкү клубдун конокторунан белгисиз түркүн түстөгү таблеткалар, ошондой эле белгисиз жыты жок суюк зат салынган бөтөлкөлөр табылып, алынды. Клубга келгендердин документтерин текшерүүдө төмөндөгүлөр аныкталды: республиканын жогорку окуу жайларында окутуучу ыктыярчы болуп иштеген чет мамлекеттердин жарандары экендиги аныкталган. Баңги затын колдонгон деп шектелген түнкү клубдун коноктору жана кызматкерлери Республикалык наркология жана психиатрия борборуна медициналык текшерүүгө жеткирилди. Жеткирилгендер синтетикалык баңги затын колдонгондорун ачык айтышты.
Тергөө иш-чараларын жана түшүндүрүү иштерин жүргүзүү үчүн ички иштер органдарына клубдун администраторлору, тейлөө кызматкерлери жана коноктору жеткирилди. Алынган заттар Юстиция министрлигине караштуу Мамлекеттик экспертиза борборунун эксперттерине жөнөтүлдү. Учурда түнкү клубдун иштөөсү токтотулуп, тергөө-ыкчам иш-чаралары жүрүп жатат, жыйынтыгы менен түнкү клубдун ээсине карата процессуалдык чечимдер кабыл алынат.
Буга чейинки эскертүүлөргө карабастан, “Акыркы коңгуроо” аземинен кийин, мектеп бүтүрүүчүлөрүн шаардан сырткары эс алуучу жайларга кортеж унаалары менен ташыган өлкө...
Күмүш түстөгү Мерседес-Бенц унаасы "Суусамыр-Талас-Тараз" унаа жолунда автоээнбаштык жасап жаткандыгы боюнча маалымат Инстаграмдагы "Interes_talas" баракчасында жарыяланган. Бул маалымат чыгар замат...
Нарын облусунун Кочкор районунундагы Калыгул Бай уулу атындагы орто мектебинин бүтүрүүчү 11-класстарынын окуучулары “Акыркы коңгуроо” салтанаты иш-чарасынан кийин, автоунааларды ижарага...
25-май күнү болжол менен саат 01:00-02:00 аралыгында Сузак районунун 1974-жылы туулган тургуну Акбала Нурдинов Тикток баракчасында "батл" оюнун ойноп жатып,...