Талас дарыясынан бир туугандардын жансыз денеси табылды. Бул тууралуу ӨКМден билдиришти.
Милицияга Талас облусунун Манас районуна караштуу Покровка айылынын 18 жана 16 жаштагы тургундары 19-июль күнү дайынсыз жоголгондугу тууралуу маалымат түшкөн. Маалымат түшкөн күнү милиция кызматкерлери издөө иштерин жүргүзүшкөн. Ал эми бүгүн жерине Манас райондук Өзгөчө кырдаалдар бөлүмүнүн 5 куткаруучусу издөөгө чыккан.
Издөө иштеринин натыйжасында, Талас дарыясынан 16 жаштагы кыздын сөөгү саат 11:20 чамасында суу үстүндө калкыган абалда табылган. Андан 1,5 саат өткөндөн кийин ӨКБнын адистери суунун түбүнөн агасынын сөөгүн алып чыгышкан.
