Талас шаарынын милициясы акча көбөйтүп берүү убадасы менен ири өлчөмдө алдамчылыкка шектелген аялды кармады. Бул тууралуу Талас ОИИБден билдиришти.
Талас ШИИБге 2 жаран арыз менен кайрылган. Алардын бири 2022-жылдын 1-декабрь күнү аял киши ишеничине кирип 2 миллион 155 миң 500 сом акча каражатын көбөйтүп берем деп алдап алганын, ал эми экинчи жаран 2020-жылдын март айында аял акча көбөйтүп берүү убадасы менен 1 миллион 700 миң сом акчасын алдап алып, бүгүнкү күнгө чейин акчасын кайтарбай жаткандыгын жазган.
Бул фактылар Талас ШИИБге катталып, 209-берене (алдамчылык) менен кылмыш иши козголгон. Шектүү катары Талас шаарынын 1967-жылы туулган тургуну кармалып, убактылуу кармоочу жайга киргизилди.
