19-январда Бишкек шаарынын Октябрь районунун ички иштер башкармалыгына жаран арыз менен кайрылып, белгисиз адамдар ар кандай жолдор менен коркутуп, анын сүйлөшкөн кызынын карызы бар деген шылтоо менен 150 миң сом рубль өлчөмүндө акча каражатын талап кылып жаткандыгын билдирген. Бул тууралуу Бишкек ШИИБден билдиришти.
Аталган факты боюнча Кылмыш-жаза кодексинин 208-беренесинин 1-бөлүгү менен (опузалап талап кылуу) кылмыш иши козголгон.
Шектүү катары 1994-жылы туулган жаран аныкталып, жабырлануучудан талап кылган 80 миң сом акча каражатын алып жаткан учурда кармалган. Учурда кылмыш иши боюнча ар тараптуу тергөө амалдары жүргүзүлүүдө.
