Кечээ, 2-апрелде социалдык тармактын колдонуучулары Токмокто аялдын жансыз денеси табылганы тууралуу маалымат жазышкан. Бул боюнча Чүй ОИИБден маалымат беришти.
Маалыматка караганда, 2-апрелде Чүй ОИИБге Гагарин менен Украинская көчөсүнүн кесилишинде аял кишинин жансыз денеси жатканы тууралуу маалымат түшкөн. Бул факты каттоого алынып, териштирүү башталган.
Окуя болгон жерге барган милиция кызматкерлери болжол менен 60-65 жаштагы аялдын жансыз денесин табышкан. Денени кароо учурунда жаракаттар байкалган эмес. Жансыз денеге соттук-медициналык экспертиза дайындалган. Өлүмүнүн алдын ала айтылган себеби — боордун циррозу.
Учурда текшерүү уланууда.
