Токмоктогу убактылуу кармоочу жайда жашы жете элек кызга ыплас аракеттерди жасоого шектелген жаран асынып алды. Бул тууралуу Чүй облустук ички иштер башкы башкармалыгынан билдиришти.
Маалыматка караганда, 24-октябрда Токмок ШИИБи тарабынан жашы жете элек кызга ыплас аракеттерди жасоо беренеси менен кылмыш иши козголгон. Шектүү катары алардан батир ижарага алган, мурда бир нече жолу соттолгон 1973-жылы туулган киши кармалган. Ал саат 04:00дө убактылуу кармоочу жайга киргизилген. Саат 08:45тер чамасында камерада жалгыз болгон шектүү асынып алган.
Аталган факты катталып, териштирүү башталган. Бүгүн, 26-октябрда топтолгон материалдар Чүй облустук прокуратурасына жөнөтүлгөн. Кызматтык териштирүү жүрүп жатат.