Бишкек шаарынан изделип жаткан жаран кармалды. Бул тууралуу ИИМден билдиришти.
Буга чейин Ош облусунун эмгек-түзөтүү мекемеси тарабынан Кылмыш-жаза кодексинин 349- (эркиндигинен ажыратуу жайынан же камактан качуу) беренеси боюнча Ош облусунун Өзгөн районунун тургунуна издөө жарыяланган. Жакында Коомдук жайлардагы бетти таануу системасы менен орнотулган сырткы видеобайкоо камералары анын издөөдө экенин аныктап чыгып, Бишкек шаарынын аймагынан милиция кызматкерлери жаранды кармап, андан аркы териштирүү иштерин жүргүзүү максатында тиешелүү кызматтарга өткөрүп беришти.
